Буриадын зохиолч Алексей Гатаповын бичсэн “Тэмүүжин” роман өнгөрсөн намар худалдаанд гарчээ. Энэ ном гарсан даруйдаа уншигчдын анхаарлыг татаж эхний хэвлэлт нь тэр дороо борлогдож дууссан байна.

    Тиймээс зохиолч “Тэмүүжин” номныхоо хавтасыг шинэчлэн хоёр дахь удаагаа хэвлэж, өчигдрөөс эхлэн худалдаанд гаргажээ.

    Алексей Гатапов романдаа их хааны бага насны амьдрал, Их Монголын хаанаар өргөмжлөгдөх хүртэл туулсан зовлон, түүний зан аашийн талаар өгүүлсэн байна.

    Тэрбээр “Тэмүүжин” романы 10 жилийн турш бичжээ. Түүний роман 2011 онд Буриадын утга зохиолын шилдэг бүтээлээр шалгарсан байна. “Тэмүүжин” роман удахгүй монгол хэлнээ хөрвүүлэгдэх аж.

    Алексей Гатапов нь “Чингисийн дотны анд”, “Удирдагч төрсөн нь”, “Анхны ан”, “Чоно”, “Энхтайванд хүрэх зам”, “Монголын түүхийн толь” зэрэг нэлээд хэдэн бүтээл туурьвиж байсан бөгөөд Буриад зон олны дундаас их гүрний орос хэл дээр зохиол бүтээлээ тууривдаг анхны зохиолч аж.

Д.Идэр