Монгол улсын ерөнхийлөгч Н.Энхбаярыг орой үдшийн цагаар буутай баривчлах гэж оролдоод үүрийн цагаар хүчээр авч явсанд олон нийт ихээхэн дургүйцэж эхэллээ. Тиймд уг асуудлыг хэлэлцэх ёстой хэмээн МАН-ын нөлөө бүхий хүмүүс ярилцаад байна. Н.Энхбаяр дээр очсон Ч.Улаан, О.Чулуунбат хоёр ч гэсэн асуудлыг намынхаа удирдах зөвлөл, бүлэгээс гадна УИХ-аар хэлэлцэх ёстой гэсэн шаардлагыг гаргажээ. УИХ-ын гишүүн Д.Тэрбишдагва, Ч.Улаан, Ц.Шинэбаяр,  О.Чулуубат нарын биед халдсан тул тэдний шаардлагын дагуу өнөөдөр МАН-ын удирдах зөвлөл хуралдахаар болсон гэж эх сурвалж мэдээллээ. Мөн УИХ-ын чуулганаар ч гэсэн асуудлыг оруулж, гомдол гаргана гэв.