Эрхүү мужийн Мамско-Чуй районд унасан сансрын үл мэдэгдэх нисдэг биетийг хайхаар шуурхай баг газар дээр нь ажиллаж байна. Пүрэв гарагийн орой 22.30-д Витим тосгоны ойролцоо тэнгэрт гэрэл гялалзаж, шүгэлдэх мэт дуу гарчээ. Удалгүй дэлбэрэлт болсон байна. Үл мэдэгдэх объект тосгоноос 15 километр зайтай уулархаг газар унажээ.

    -Өнөө өглөө тэр үйл явдлын гэрч болсон нутгийн оршин суугчдаас лавлагаа авах, цас туулагч машинаар газар орныг нэгжин судлах зорилгоор захиргааны хүмүүс явсан гэж Мамско-Чуй районы захирагч ярьжээ.

    Одоогоор солир, хиймэл дагуулын хэлтэрхий гэсэн хоёр хувилбарыг судлаж байгаа юм. Онгоц, нисдэг тэрэгний осол биш гэдэг нь баттай байгаа ажээ. Тухайн үед тэр орчимд ямар ч агаарын хөлөг нийслэг үйлдээгүй байна.

    -Чухам юу унасныг нүдээр үзэхээс нааш хэлэх боломжгүй. Манай баг өнөөдөр нутгийн анчидтай хамт цас туулагчаар очно гэж орон унтгийн удирдлага мэдэгдэв.

    Хэрвээ солир унасан бол агаар мандлыг нэвтэрч, газар мөргөхдөө олон хэсэг болон бутардаг учраас ул мөрийг нь олно гэдэг хэцүү гэж Эрхүүгийн их сургуулийн эрдэмтэн Сергей Язев хэлж байна. Эрдэмтний ярианаас үзвэл, энэ хавьд 10 жилийн өмнө томоохон солир унаж байсан бөгөөд хоёр жил хайсаны эцэст газар дээр нь сансрын тоос л үлдсэн байв.

    Гуравдугаар сарын сүүлээр Новосибирск орчим түлээ бэлтгэж байсан хүмүүс тэнгэрээс унасан хоёр метр голчтой, 300 килограмм металл эд олсон нь хиймэл дагуулын хэсэг байсан бололтой гэж үздэг. Оросын сансрын агентлаг энэ тухай ямар нэг тайлбар хийгээгүй юм.