“Эрдэнэс Тавантолгой” компанийн гүйцэтгэх захирал Я.Батсуурийн бие өнгөрсөн долоо хоногт муудаж Цагдан хорих төвийн эмнэлэгт хүргэгдсэн талаар бид өмнө нь мэдээлсэн. Эх сурвалжийн мэдээлж буйгаар түүний архаг, хууч өвчин сэдэрсэн учраас тус эмнэлэгт нилээн удаан хэвтэн эмчлүүлэх шаардлагатай болсон байна. Үүнээс үзвэл түүний бие нилээн муудсан бололтой.
Түүний өмгөөлөгч болон ар гэрийнхэн нь батлан даалтад гаргах хүсэлтийг прокурорт гаргасан ч хүлээж аваагүй байдаг. Гэхдээ тэд батлан даалтын асуудлыг дахин хөөцөлдөж байгаа аж. АТГ-аас түүнийг эрх, мэдлээ урвуулан ашиглаж мөнгө завшсан, мөнгө угаасан хэрэгт сэжигтнээр тооцон хоёр сарын хугацаанд цагдан хориод байгаа нь энэ юм. Я.Батсуурийг Г.Дэнзэнгийн “Говь Повер” компанид хууль бусаар мөнгө шилжүүлсэн гэх хэрэгт буруутган шалгаж байгаа гэх боловч АТГ, Ерөнхий прокурорын газраас албан ёсны тайлбарыг огт хийгээгүй байна.
Хэргийн холбогдогч болох Г.Дэнзэн гадаадад байгаа учраас түүнийг ирэх хүртэл Я.Батсуурийг батлан даалтад гаргахгүй гэх ч мэдээлэл байна.
Т.Энхэлээ
Сэтгэгдэл (7)