”Амар тайван Чингэлтэй” хөтөлбөр”-ийг хэрэгжүүлэх зорилгоор Чингэлтэй дүүрэг дэх цагдаагийн нэгдүгээр хэлтсээс санаачлан Нэг хороо” 1 сарын аяныг энэ оны 4 дүгээр сараас тус дүүргийн 8 дугаар хорооны нутаг дэвсгэрт эхлүүлээд байна.

Аяны хүрээнд цагдаагийн хэлтсийн алба хаагчид хороонд оршин суугаа айл, өрх нэг бүрийн иргэдтэй уулзаж, ахуй амьдралтай танилцаж, судалгаа авч бүртгэлжүүлэх, санал, хүсэлтийг нь авах, түүний мөрөөр гэмт хэрэг, зөрчлөөс урьдчилан сэргийлэх чиглэлээр ажил зохион байгуулж, иргэдийг аюулгүй амар тайван орчинд амьдрах нөхцөл бололцоог бүрдүүлэх, зарим шаардлагатай ажлыг холбогдох эрх бүхий байгууллагад хандан шийдвэрлүүлэх юм. Чингэлтэй дүүргийн 8-р хорооны хувьд 1170 өрх, 4000 гаруй иргэн оршин суудаг, 30 гаруй нийтийн байртай, 32 аж ахуйн нэгж, байгууллага үйл ажиллагаа явуулдаг юм байна.

Д.Ундрах /24tsag.mn/