Эрүүл мэнд, спортын сайд Д.Шийлэгдамба төрийн болон хувийн хэвшлийн эмнэлэгүүдийн үйл ажиллагаатай танилцлаа. Тэрбээр эхлээд улсын хэмжээнд эмгэг судлалын төрөлжсөн мэргэжлийн тусламж, үйлчилгээг үзүүлэхээс гадна эмнэлгийн нас баралтын задлан шинжилгээг хийдэг Эмгэг судлалын үндэсний төвөөр зочлов.
Тус төв нь Хууль зүйн яамны харьяа Шүүхийн шинжилгээний үндэсний төвийн байранд түрээс төлөн үйл ажиллагаагаа явуулдаг аж.
Түүнчлэн эмгэг судлалын лабраторид ашиглаж байгаа техник тоног төхөөрөмж нь 30 жилийн өмнөх хэвээрээ ямарч шинэчлэл хийгдээгүй байна. Эмгэг судлалынхаа төвийн хэмжээнд задлан шинжилгээ хийх ганцхан ортой болохыг Эмгэг судлалын үндэсний төвийнхөн салбарын сайддаа дуулгасан.
Мөн ажлын хэсгийнхэн Интермэд, Гранд мед эмнэлэг зэрэг хувийн эмнэлгүүдийн үйл ажиллагаатай танилцсан. Гранд мед эмнэлэг нь гурав дахь шатлалын төв эмнэлгийн түвшинд үйл ажиллагаа явуулж байгаа тус эмнэлгийн тухайд монголдоо нарийн мэргэжлийн бүхий л оношилгоог орчин үеийн өндөр хүчин чадалтай техник технилогиор хийлгэж эмчилгээ үйлчилгээ авах нөхцлийг бүрдүүлжээ.
Эрүүл мэнд, спортын сайд Г.Шийлэгдамба "Төрийн болон хувийн хэвшлийн эрүүл мэндийн байгууллагын үйл ажиллагаа олон улсын жишигт хүрсэн тусламж үйлчилгээг үзүүлэх боломж бүрэн байна. Монгол Улсын эрүүл мэндийн салбарын засаглалын тогтолцоог шинэ шатанд гаргаснаар энэ ажил хэрэгжих үндэстэй" гэдгийг энэ үеэр хэллээ.
Б.Энхжин
