Онцгой байдлын Ерөнхий газар, Нийслэлийн онцгой байдлын газраас 2015 онд дэвшүүлсэн зорилтыг хэрэгжүүлэх ажлын хүрээнд  Засгийн газрын 11 дүгээр байрны төрийн болон төрийн бус байгууллагын албан хаагчдад 2015 оны 04 дүгээр сарын 08-ны өдөр аврах, гал унтраах тактикийн дадлга сургуулийг зохион байгууллаа.         

                                                                                                                                                   Засгийн газрын 11 дүгээр байрны гамшгаас хамгаалах болон гал түймрийн аюулгүй байдлыг шалган, илэрсэн зөрчил дутагдлыг бүрэн арилгуулж, 2015 он 04 дүгээр сарын 03-ний өдөр албан хаагчдад “Гамшиг осол, гал түймрийн аюулаас урьдчилан сэргийлэх сэдвээр танхимын сургалтыг зохион байгуулан, “гамшиг осол, гал түймэр”  гэсэн түгшүүрийн дохио өгч үйлчлүүлэгч, ажилчдыг аюулгүй бүсэд нүүлгэн шилжүүлэх, орон тооны бус штаб, мэргэжлийн анги учирсан гамшгийн хор уршгийг  хэрхэн арилгах талаар үзүүлсэн.

            Тус дадлага сургуулийг нийслэлийн Онцгой байдлын газрын гамшгаас урьдчилан сэргийлэх хэлтэс, гал түймэртэй тэмцэх хэлтсийн албан хаагчид удирдлагаар ханган Чингэлтэй дүүргийн Онцгой байдлын хэлтсийн  Аврах гал унтраах 10 дугаар анги, Улаан загалмайн хороо, Засгийн газрын 11 дүгээр байрны ажилтангууд нийт 250 гаруй албан хаагчид оролцсон байна.

Аврах гал унтраах 10 дугаар ангийн 1 дүгээр салааны  бүрэлдэхүүн 5 давхарт гарсан гал түймрийг унтраах, хайгуулын үйл ажиллагааг явуулж, утаажилтын бүсээс гарч чадахгүй байсан 2 иргэнийг илрүүлж, эмнэлэгийн анхны тусламж үзүүлэх, тус барилгын 3 давхарт байсан 2 иргэнийг илрүүлж, утаажилтын бүсээс аврах олс ашиглан  гаргаж эмнэлэгийн анхны тусламж үзүүлэх, обьектод хуримтлагдсан утаа болон гал унтраах явцад хуримтлагдсан усыг зайлуулахад суурин болон зөөврийн гэрэлтүүлэгээр объектын зам гарцыг  гэрэлтүүлэх зэргийг зохион байгуулан үзүүлэх сургуулийг олон нийтэд хүргэжээ.

          Тус сургуулийг явуулснаар гамшгийн нөхцөлд гамшгаас хамгаалах албад, мэргэжлийн ангиудын харилцан ажиллагааг дээшлүүлэх, дүүргийн Онцгой байдлын хэлтэс, Засгийн газрын 11 дүгээр байрны гамшгаас хамгаалах төлөвлөгөөний дагуу хамтран ажиллагааг хангах, иргэд аж ахуйн нэгж байгууллага гал түймрийн үед хэрхэн өөрийгөө болон бусдыг авран хамгаалах ажиллагаанд сургаж дадлагажуулж мэдлэгтэй болгоход оршиж байна.