УИХ-ын чуулганы үдээс хойшхи хуралдаанд Ерөнхий сайд Ч.Сайханбилэг мэдээлэл хийлээ.
Мэдээлэлтэй холбогдуулан гишүүд асуулт асууж, хариулт авч байна.
Тухайлбал УИХ-ын гишүүн Ц.Оюунбаатар: Эдийн засгийн хүндрэлэээс гарах ямар зоримог алхам хийж байна. Зээлээс өөр арга байна уу. Ямар ажлуудыг хийж байна вэ. Тавантолгойн асуудлаар манай гурван толгой гарц хайж ярьж байна уу гэв.
Ерөнхий сайд Ч.Сайханбилэг: Макро эдийн засгийн хувьд нааштай үзүүлэлтүүд гарч байна. Эдийн засгийн хүндрэлээс гарах төлөвлгөөний дагуу Засгийн газар ажиллаж байгаа. Ойрын үед УИХ дээр танилцуулна. Хөрөнгө оруулалт, экспортыг дэмжих, хөрөнгө мөнгө босгох гэсэн гурван гарц бий. Тавантолгойн хувьд ахиц дэвшил байгаа. Ямар ч байсан шийдвэрээ гаргаж чадна гэсэн итгэл үнэмшил байгаа.
Сангийн сайд Ж.Эрдэнэбат: Аж ахуй, нэгжүүдээр ажил хийлгэчихээд мөнгөө өгөлгүй явсан зүйл бий. Цаашдаа аливаа хөрөнгийн зардлыг шийдэж байж дараагийн ажлаа авахгүй бол ийм байдал үүсээд байна. 2016 оны төсвийн хүрээний мэдэгдлийг барихдаа энэ асуудалд анхаарч байгаа. Одоо аж ахуй нэгжүүдэд өгөх шаардлагатай 30 тэрбум, Хөгжлийн банк 120 тэрбум бий. Яам судалгаа гаргаж байна. Судалгаагаар 96.4 тэрбум төгрөгийн үлдэгдэл байна. Улсын төсөвт туссан хөрөнгө оруулалтын талаарх мэдээг ирэх долоо хонгот гаргана. Татварын буцаан олголтын тухайд дөрөвдүгээр сарын байдлаар 26 тэрбум жилийн хэмжээнд 108 тэрбум олгохоор байна. Үүнийгээ хэвийн олгоно.
УИХ-ын гишүүн Х.Болорчулуун: Газрын тосны үнэ их буурсан. Газрын тосны орлого биелэгдэхгүй гэж байна. хэдэн хувиар орлого тасрах вэ. "Стэндбай" хөтөлбөрийн талаар их ярьж байна. Өмнө нь жил гаран болоод гарсан. Одоо харин хямрал жинхэнэ утгаараа хаалга тогшиж байна. Улс орнууд аль болох орохгүй байхыг хичээдэг. Албан ёсоор хүсэлтээ Засгийн газар гаргасан юмуу?
Ерөнхий сайд Ч.Сайханбилэг: “Стэндбай” хөтөлбөр авах ямар нэг шийдвэр гаргаагүй. Баг ирж ажилласан. Ирэх зургадугаар сард дахин баг ирж ажиллана. Монгол Улс таван удаа энэ хөтөлбөртйг авч байсан. Нэг нь амжилттай болсон. Ер нь бид энэ хөтөлбөрийн талаарх ойлголтуудаа нэг болгох ёстой. Буруу ойлголт явж байгаа. Энэ хөтөлбөрийг авах санал албан ёсоор гараагүй. УИХ-аас гарсан төлөвлөгөө бол хөтөлбөрийг авахгүйгээр хүндрэлээс гарна гэсэн. Энэ хүрээнд ЗГ ажиллаж байгаа.
