Энэтхэгийн Ерөнхий сайд Нарендра Модигийг Ерөнхий сайд Ч.Сайханбилэг Чингисийн талбайд угтаж,  хүндэт харуул жагссан юм. Хоёр улсын харилцаанд  шашин, хүмүүнлэгийн салбар чухал байр  суурь эзэлдэг. Энэ ч утгаараа Энэтхэгийн Ерөнхий сайд айлчлалынхаа хүрээнд хамгийн  түрүүнд Гандантэгчинлэн хийдэд  зочилж, Бодь модны суулгац  бэлэглэсэн. Түүнд зориулсан УИХ-ын хүндэтгэлийн хуралдаанд Нарендра Моди үг хэлж, УИХ-ын дарга З.Энхболд талархал илэрхийлэн, дурсгалын зураг авхууллаа.   Дараа нь Хавдар судлалын үндэсний төвд эмнэлгийн  тоног төхөөрөмж гардуулах, ШУТИС-ийн хичлээлийн 5-р байранд  Outsourcing center-ийн шав тавих ёслолын ажиллагаанд тус тус  оролцоно. Монгол Улсад анх удаагаа ирж буй  Нарендра Моди Чингисийн хүрээ цогцолборт Бэсрэг наадам  сонирхож, Буянт-Ухаа дахь спортын ордонд Монгол-Энэтхэгийн хамтын  нийгэмлэгийнхэнтэй уулзалт хийснээр  албан ёсны арга хэмжээ өндөрлөнө.  Ази дахь айлчлалаа БНХАУ-аас эхэлсэн тэрбээр маргааш  БНСУ-д  айлчлахаар явах юм.