Б.Гарамгайбаатар авлигалын хэрэгт холбогдоод буй компанийхаа асуудлаар тайлбар хийв

2015-5-18

УИХ-ын гишүүн Б.Гарамгайбаатар авлигалын хэрэгт холбогдоод буй компанийхаа асуудлаар доорх тайлбарыг өгөв

УИХ-ын гишүүн Б.Гарамгайбаатарын "Монроуд" компани Архангай аймгийн Тариат сумын нутаг Халзан бүргэдэйгээс Солонготын даваа хүртэлх 100 км замыг тавих ажлыг гүйцэтгэж дуусгаагүй мөртлөө урьдчилж мөнгөө авсан гэх хэрэгт холбогдоод байгаа юм. Тодруулбал, тухайн компани замын ажлын гүйцэтгэл 38 хувьтай байхад улсын төсвөөс 43.6 тэрбум төгрөгийг гаргуулж авчээ. Тиймээс гишүүний татаасаар уг компанид зам барих төсөвт өртгийг нэмж өгсөн байж болзошгүй хэмээн АТГ-аас шалгаж байгаа юм. Тус хэргийн талаар “Монроуд” компанийн хувьцаа эзэмшигч, УИХ-ын гишүүн Б.Гарамгайбаатараас тодрууллаа.

Тэрбээр энэ талаар “Энэ асуудлаар би өөрөө хариулт өгөөд байх нь зохимжгүй юм. Би энэ компанийн ажлаа өгөөд 10 гаруй жил болж байна. Хувьцаа эзэмшигчийн хувьд мэдээлэл байгаа. Халзан бүргэдэйгээс Солонготын давааны чиглэлд 100 км замыг тавих ажлын тендерт “Монроуд” компани ялсан. Үүнийг холбогдох яам, тамгын газар мэдэж байгаа. Тэндээс тодруулбал илүү дээр байх гэж бодож байна. Хөрөнгийн эх үүсвэр буюу санхүүжилтийг 100 хувь урьдчилаад авсан гэдэг нь ташаа мэдээлэл юм. Тухайн аж, ахуй нэгж гүйцэтгэлээрээ санхүүжээд явж байгаа гэдгийг албан ёсоор мэдэгдье” гэв.

УИХ-ын гишүүн Б.Гарамгайбаатар “Монроуд” компаниа 2001 оны нэгдүгээр сард байгуулж байжээ. Оюу толгой-Гашуун сухайт, Ханбогд, Ухаахудаг-Гашуун сухайт, Хануйн гүүр-Халзан бүргэдэй, Мөрөн-Өндөрхаан, Эрдэнэсант-Лүн, Дуутын даваа-Мөрөн сум зэрэг замыг тус компани тавьж байсан түүхтэй. Харин Халзан бүргэдэй-Солонготын даваа чиглэлийн замыг энэ оны дөрөвдүгээр сараас засч эхэлсэн бөгөөд ирэх онд дуусгах төлөвлөгөөтэйгээр ажиллаж байгаа аж.

Т.Энхэлээ

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

ЗОЧИН (103.11.192.34)

БИТГИЙ ЖҮЖИГЛЭЭД МЭДЭН БУДИЛААД БАЙ.

2015 оны 05 сарын 18 | Хариулах
zochin (185.64.196.228)

Ene 2 nuurtei nuhur turiin oligarhi bolloo.Zabaarsan yag neg MSC garaad irlee.ATG ni uy hiij bna be

2015 оны 05 сарын 18 | Хариулах
Худалч шүү (182.160.3.97)

Анодын өрөө гарамгай баатар шиг цайруулсан уу?

2015 оны 05 сарын 18 | Хариулах