Төрийн байгуулалтын байнгын хорооны дарга, УИХ-ын гишүүн А.Бакейгаас цаг үеийн асуудлаар зарим зүйлийг тодрууллаа.

-Сонгуулийн хуулийн төслийг хэзээ өргөн барих вэ?

-Сонгуулийн хуулийн төслийн хувьд тогтолцооноос бусад бүх асуудлыг цэгцэлсэн гэж хэлж болно. Тогтолцооны асуудлаар УИХ дахь нам, эвслийн бүлгүүд харилцан тохиролцож, зөвшилцөх асуудал явагдаж байгаа. Одоогийн байдлаар холимог тогтолцоог дэмжсэн байдалтай байна. Гэхдээ эцсийн шийдвэрт хүрээгүй байна. Нам, эвслүүд зөвшилцөж дууссаныхаа дараа өргөн мэдүүлнэ.

-Энэ хуульд иргэдийн саналыг хэрхэн, яаж авах вэ?

-Хэлэлцүүлгийн шатанд иргэдийн санал авна. Мөн хуулийн төслийг боловсруулах шатандаа иргэдийн саналыг аваад явсан.

-Бүлгийн хуралдаанаар Үндсэн хуулийн өөрчлөлтийг ярилцсан уу?

-Ярилцсан. Гэхдээ холбогдох ажлын хэсгээс тодруулсан дээр болов уу.

-Ерөнхий сайдыг огцруулах тогтоолын төслийг зарим гишүүд санаачлаад явж байгаа. Энэ талаар бүлгийн хуралдаанаар ярилцсан уу?

-Ярилцаагүй.

Т.Хулан