Засгийн газрын ээлжит хуралдаан өнөөдөр 16.00 цагт эхэлнэ. Өнөөдрийн хуралдаанаар Тавантолгойн гэрээний төслийг буцаан татах асуудлыг хэлэлцэх аж. Засгийн газраас уг тогтоолын төслийг сарын өмнө УИХ-д өргөн барьсан. Харин УИХ-аас уг тогтоолын төслийг нягталж, шалгах шаардлагатай хэмээн Л.Эрдэнэчимэг гишүүнээр ахлуулсан ажлын хэсгийг байгуулсан билээ.

Харин тус ажлын хэсгээс гэрээтэй холбоотой бусад баримт бичгүүдийг Засгийн газраас цувуулж нэхсээр байгаад өдийг хүргэсэн юм. Л.Эрдэнэчимэг гишүүний мэдээлж буйгаар "Гэрээний англи, монгол хувилбар 10 гаруй хуудсаар зөрсөн. Оросын талын эрх ашигт нийцээгүй. Төмөр замын асуудлыг давхар шийдээгүй. Монголын талын хувь байхгүй" гэх мэт шалтгааныг хэлж, дүгнэлт гаргах боломжгүй гэдгээ илэрхийлсэн. Өнгөрсөн долоо хоногт уг асуудлыг холбогдох байнгын хороогоор хэлэлцэхээр товлосон ч ажлын хэсгийн дүгнэлт гараагүй гэдэг шалтгаанаар хойшилсон. юм. Харин ажлын хэсгийн ахлагч Л.Эрдэнэчимэг энэ хаврын чуулганаар амжиж дүгнэлтээ гаргах боломжгүй. Учир нь Засгийн газраас компани хоорондын гэрээг бидэнд өгөөгүй. Мөн засч, залруулах шаардлагатай олон зүйл бий гэж байгаа юм. 

Тиймээс Засгийн газрыг уг тогтоолын төслөө буцаан татан авч, засчихаад дахин УИХ-д өргөн барих шаардлагатай гэж буй.

Энэ дагуу Засгийн газар уг тогтоолын төслөө эргүүлэн татаж авах асуудлыг ярилцахаар болсон нь энэ аж.

Т.Энхэлээ