МАХН-ын Бага чуулганы 84 гишүүн Ерөнхий нарийн бичгийн дарга Г.Шийлэгдамбыгаа огцруулах асуудлыг хөндөөд буй. Тэд намын бага чуулганыг ирэх сарын 06-ны дотор хийхийг шаардаж байгаа юм. Тэгвэл  МАХН-ын нарийн бичгийн дарга нар уг асуудлаар хуралдсан байна. Хуралдаанаар бага чуулганыг зарлах, Г.Шийлэгдамбыг огцруулах асуудлыг МАХН-ын дарга Н.Энхбаяртай зөвшилцөх хэрэгтэй гэж шийдвэрлэжээ. Тиймээс уг асуудлаар Н.Энхбаяртай уулзахаар холбогдох хүмүүс өнөөдөр ниссэн байна. Уулзалт Солонгост биш Орост болно гэж эх сурвалж мэдээллээ. Энэ удаагийн бага чуулганы хуралдаанд Н.Энхбаяр ирж оролцож магадгүй гэнэ.

Т.Энхэлээ