УИХ-ын чуулганы хуралдаанаар Галын аюулгүй байдлын тухай хуулийн шинэчилсэн найруулгын анхны хэлэлцүүлгийг хийлээ.
Монгол Улсын Галын аюулгүй байдлын тухай хуулийг 1999 онд баталсан. Өнгөрсөн хугацаанд 4 удаа нэмэлт өөрчлөлт оржээ. Одоо үйлчилж буй Галын аюулгүй байдлын тухай хууль нь галын аюулгүй байдлыг хангах, улсын хяналтыг хэрэгжүүлэгч байгууллагын эрх зүйн үндсийг тогтоож, үйл ажиллагааг нь зохицуулахад голлон чиглэгдсэн байна. Тиймээс уг хуульд улсын хэмжээнд галын аюулгүй байдлыг хангуулахтай холбоотой үйл ажиллагааны зохицуулалтыг хуулийн төсөлд тусгажээ. Хуулийн төслийг баталснаар Галын аюулгүй байдлын нэгдсэн дүрэм, Галын аюултай бүтээгдэхүүн улсын хилээр нэвтрүүлэх болон үйлдвэрлэх, борлуулах, тээвэрлэх, хадгалах, устгах журам зэрэг эрх зүйн актууд шинээр гарах боломж бүрдэнэ хэмээн Засгийн газар үзжээ. Хуулийн төслийг хэлэлцүүлэгт бэлтгэх үүрэг бүхий ажлын хэсгээс боловсруулсан зарчмын зөрүүтэй саналуудаар санал хураалт явуулж, эцсийн хэлэлцүүлэгт бэлтгүүлэхээр Хууль зүйн байнгын хороонд шилжүүлэв.
