Энэ долоо хоногт УИХ, Байнгын хорооны хуралдаанаар хэлэлцэх хуулийн төслүүдийн талаар УИХ-ын гишүүн Ц.Даваасүрэн, С.Ганбаатар нар мэдээлэл хийлээ.

Засгийн газраас өргөн мэдүүлсэн Монгол Улсын 2014 оны төсвийн гүйцэтгэл батлах тухай УИХ-ын тогтоолын төсөлд УИХ нухацтай хандах ёстой гишүүд үзэж байна. Тухайлбал, УИХ-ын сонгууль болоход нэг жил үлдсэн учраас 2012 онд амласан амлалтуудаас юу нь хэрэгжсэн, юу нь хэрэгжээгүй вэ гэдгийг нухацтай судлах ёстой хэмээн шаардаж байна.

Түүнчлэн өнгөрсөн жил төсвийн орлого 1.6 их наяд төгрөгөөр тасарсан шалтгааныг УИХ-ын төвшинд судлах ёстой хэмээн үзжээ. Мөн банкны системийн хэмжээнд хугацаа хэтэрсэн зээлийн хэмжээ 754 тэрбум төгрөгт хүрсэн гэв.

Г.Үжин