УИХ дахь Ардчилсан намын бүлэг өчигдөр ээлжит хуралдаанаараа АН, МАН-ын хооронд байгуулсан “Харилцан итгэлцэл, хамтын ажиллагааны гэрээний хэрэгжилтийг хэлэлцжээ. 

Үр дүнд нь хамтын ажиллагааны гэрээ “Хангалтгүй” гэж үзэж үлдэж байгаа цөөн хоногуудыг ашиглан гэрээний хэрэгжилтэд анхаарч, төлөвлөсөн хууль, тогтоолын төслүүдийг хэлэлцэн батлахад саад учруулахгүй хамтран ажиллана уу” гэсэн мэдэгдлийг өнөөдөр УИХ дахь МАН-ын бүлгийн дарга С.Бямбацогт хүргүүллээ.

Энэхүү мэдэгдэлд дурдсанаар УИХ дахь Ардчилсан намын бүлэг Засгийн газарт хамтарсан МАН-ын гэрээний биелэлтийг хэлэлцэх шатанд “Хамтарсан Засгийн газраас барьсан эдийн засаг, нийгэм, хууль эрх зүйн чухал ач холбогдолтой хууль, тогтоолын төслүүдийг хэлэлцэж, шийдвэрлэхийн төлөө танай бүлэгт олон удаа санал тавьж ажилласан хэдий ч тодорхой үр дүн гарсангүй гэж Ардчилсан намын бүлэг үзэж байна” хэмээн онцолсон байна.

Г.Үжин