Засгийн газрын ээлжит хуралдааныг өнөөдөр 16.00 цагт эхлүүлэхээр товложээ.

Хуралдаанаар 10 гаруй асуудал хэлэлцэхээр төлөвлөсөн байна. Тухайлбал зуншлагын нөхцөл байдалтай холбогдуулан авах арга хэмжээний тухай багтжээ. 

Монгол орны 60 гаруй хувь гантай байгаагаас газар тариалангийн бүс нутагт ихээр халсан. Ган мал аж ахуй эрхлэгчдэд мөн хүндээр тусч байгаа. Тиймээс одооноос эхлэн өвөлдөө бэлтгэх ажлыг сайн базаах үүнтэй холбоотойгоор зарим нутгийг отрын бүс нутагт шилжүүлэх гээд олон ажил хийх шаардлагатай болж байгаа юм.

Мөн энэ өдрийн хуралдаанаар Оюуны өмчийн тогтолцоог хөгжүүлэх үндэсний стратеги батлах тухай асуудлыг Шадар сайд У.Хүрэлсүх оруулж хэлэлцүүлэх бол Монгол Улсын Ерөнхийлөгчийн санаачилсан нэр бүхий хоёр хуулийн төслийг хэлэлцэхээр төлөвлөсөн байна.