Сүхбаатар дүүргийн МАХН-ын хороо дөрөв дэх байраа тус дүүргийн 18 дугаар хороонд нээлээ.

Аливаа улс төрийн нам өөрийн зүйл ажиллагаагаа амжилттай явуулж, дэмжигч сонгогчдынхоо саналыг тогтмол авч байхад намын хороод, тэдгээрийн тасралтгүй үйл ажиллагаа чухал байдаг. Тиймээс МАХН анхан шатны нэгжүүдийг чадавхжуулах, дэмжигч сонгогчидтой ажиллах цар хүрээг нэмэгдүүлэх үүднээс энэхүү байрыг ашиглалтад оруулсан байна. Тус байр Сүхбаатар дүүргийн 18 дугаар хороо, Дамбадаржаагийн иргэдийн хөл хөдөлгөөнтэй хэсэгт байрласнаараа онцлог. Эндээс иргэд МАХН-ын үйл ажиллагаа, мөрийн хөтөлбөр, цаашид авч хэрэгжүүлэх ажлуудын талаар дэлгэрэнгүй мэдээлэл авч болохоос гадна санал хүсэлтээ илэрхийлэх боломжтой болж байна.  Энэ талаар МАХН-ын Ерөнхий нарийн бичгийн дарга Г.Шийлэгдамба, “МАХН нь шударга ёс, эв нэгдлийг эрхэмлэдэг УИХ, Засгийн газарт суудалтай улс төрийн хүчний хувьд ард иргэдийнхээ санал бодол, дуу хоолойг ямагт сонсч, тэдний эрх ашгийг үйл ажиллагаандаа дээдэлдэг. Энэ утгаар нь авч үзвэл Сүхбаатар дүүрэгт нээгдэж буй энэхүү намын байр чухал ач холбогдолтой. Цаашид бид иргэн нэг бүрт хүрч ажиллахын тулд намын үүрийн барилга, байгууламжийг нэмэгдүүлэх шаардлагатай. Энэ ажлын түүчээ болж манай Сүхбаатар дүүргийн намын хороо дөрөв дэх байраа нээж байгаад баяртай байна” гэлээ.

Цаашид МАХН аймаг, нийслэлд намын үүрийг байрыг нэмэгдүүлж, ард иргэдийнхээ дуу хоолойг сонсох ажлыг эрчимжүүлэх аж. Учир нь МАХН-ыг сонгох, тэдний шударга ёсны төлөөх үйл ажиллааг дэмжихиргэдийн тоо нэмэгдэж байгаа юм.

Д.Дуулим