МАХН-ын дарга Н.Энхбаярыг хуурамч нэрээр, хуурамч паспортоор хил нэвтэрсэн байж болзошгүй гэх хардлага яваад байсан. 

Тодруулбал, түүнд хуулийн байгууллагаар шалгагдаж байх энэ хугацаанд цахим паспорт олгоогүй. Гэтэл хуурамч бичиг баримт бүрдүүлж ХБНГУ руу оргон зайлсан гэх мэдээлэл тараад байсан юм.

Тэгвэл энэ талаар УИХ-ын гишүүн О.Баасанхүү   "Хэвлэл мэдээллийн хэрэгслээр Н.Энхбаяр даргыг хуурамч паспортоор хил даваад оргон зайлсан гэж мэдээлсэн. Энэ бол гүтгэлэг. Хүнийг хэд хэдэн зорилгоор гүтгэдэг. Нэгдүгээрт, шоронд хийх эрхтэй хүн нь захиалгаар бичүүлдэг. Нөгөөх нь тэнэг хүн хүнийг гүтгэдэг. Н.Энхбаяр даргыг хэн гүтгүүлж байгаа нь ойлгомжтой" гэв.

Дашрамд хэлэхэд, МАХН-ын дарга Н.Энхбаяр БНСУ-д эмчилгээгээ үргэлжлүүлэн хийлгэж байгаа гэнэ.

Д.Ундрах /24tsag.mn/