"Эрүүл мэнд, спортын сайд Г.Шийлэгдамба долдугаар сарын 15-ны өдөр буюу лхагва гаригт Өвөрхангай аймгийн Бат-Өлзий сумын Хустай рашаан гэх газар байдаг Хашхан нэртэй амралтын газарт Өвөрхангай аймгийн МАН-ын удирдлагуудын хамт амарсан байна. Энэ өдөр Г.Шийлэгдамба сайдын эхнэр нь морь унаж явахдаа унаж, мориноосоо  чирэгдэн нуруу нугасны хүнд бэртэл авчээ. Ийнхүү Г.Шийлэгдамба сайд долдугаар сарын 15-ны өдрийн 11.00 цаг орчимд МАК компанийн нисдэг тэрэг яаралтай дуудуулж, гэмтэл авсан эхнэрээ Улаанбаатар луу хүргүүлсэн" гэх мэдээлэл хэвлэл мэдээллийн хэрэгслүүдээр гарч байсан. Тэгвэл энэхүү мэдээллийг Г.Шийлэгдамба сайд үгүйсгэж, худал мэдээлэл гэдгийг хэллээ.

Тэрбээр  баяр наадмын дараа буюу долдугаар сарын 14-ний өдөр гадаад улсад албан ажлаар яваад энэ сарын 20-нд нутагтаа иржээ.

Тэгэхээр нисдэг тэрэг дуудсан асуудал огт байхгүй бөгөөд эхнэрийгээ гадаадад сурч байгааг ч онцолжээ. 

Д.Дуулим