Нийслэлийн төвийн 6 дүүргийн авто замын дагуу үйл ажиллагаа явуулж байгаа авто машины угаалгын газруудад Байгаль орчин, геологи, уул уурхайн хяналтын хэлтсийн улсын байцаагчид холбогдох хууль тогтоомж, стандартын хэрэгжилтэд шалгалт хийжээ.
Шалгалтад авто замын дагуу байрлалтай нийт 80 авто машины угаалгын газар хамрагдлаа. Шалгалтад хамрагдсан газруудаас байгаль орчинд нөлөөлөх байдлын үнэлгээ хийлгээгүй, ус ашиглах дүгнэлт гаргуулаагүй, хог хаягдал тээвэрлүүлэх гэрээ хийгээгүй, ойр орчиндоо мод тарьж, зүлэгжүүлэлт хийгээгүй, авто машины угаалгын үйлчилгээ ангилал, ерөнхий шаардлага MNS 5347:2003 стандартын зарим хэсгийг зөрчсөн зэрэг нийтлэг зөрчлүүд илэрчээ. Зөрчил гаргасан иргэн, аж ахуйн нэгжүүдэд нийт 2 сая 880 мянган төгрөгийн торгууль ногдуулж, 67 авто угаалгын газрын эздэд нийт 261 заалт бүхий "Зөрчил арилгуулах тухай” улсын байцаагчийн хугацаатай албан шаардлага хүргүүлж, мэргэжил арга зүйн зөвлөгөө өгч ажилласан байна.
Шалгалтын дүнтэй холбогдуулан "Авто машины угаалгын үйлчилгээ ангилал, ерөнхий шаардлага” стандартад өөрчлөлт оруулах, авто машины угаалгын газарт гүний ус, шугамын цэвэр ус ашигладаг байдлыг зогсоох, ашигласан усыг цэвэршүүлэн дахин ашигладаг болгох талаар холбогдох байгууллагуудад санал хүргүүлжээ.
Сэтгэгдэл (1)