Босоо хөх монгол” ТББ-ын Удирдах зөвлөлийн дөрвөн гишүүнийг гадаадын иргэнийг айлган сүрдүүлж их хэмжээний мөнгө нэхсэн хэмээн сэжигтнээр татаж, цагдан хориод байгаа билээ. Энэ талаар тус байгууллагын удирдах зөвлөлөөс “Дөрвөн гишүүнийг барьж хорьсон нь сонгуультай холбоотойгоор эх орончдыг дарж авах гэсэн арга” хэмээн мэдэгдээд  байсан.

Уг асуудал гарснаас хойш  багагүй хугацаа өнгөрч, цагдан хорьсон хугацаа  энэ сарын 30-ны өдөр дууссан байна. Гэвч тэдний  цагдан хорих хугацааг  сунгасан байна.

Энэ талаар тус ТББ-ын тэргүүн П.Шинжээравдан  мэдээллээ. Мөн тэрбээр хэрэг үүсгээд байгаа Хятад иргэнийг  дээрэмдэж, мөнгө төгрөг нэхсэн асуудал байхгүй, эн бол эх орончдын амыг сонгууль дуустал таглах гэсэн оролдлого гэлээ.