Шинэ оны босгон дээр албаныхаа үнэт зүйлс, эрхэм зорилгыг биелүүлэхийн төлөө сэтгэл зүрх, хичээл зүтгэл, эрдэм мэдлэгээ зориулан ажил үйлсээрээ манлайлсан алба хаагчдад өнөөдөр цол, шагнал гардууллаа.

Үндэсний эрх чөлөө, тусгаар тогтнолоо сэргээсний баярын өдрийг тохиолдуулан Монгол Улсын Ерөнхийлөгчийн зарлигаар “Цэргийн гавьяаны одон”-оор тус албаны Замын цагдаагийн газрын ахлах зохицуулагч, цагдаагийн дэд хурандаа Л.Эрдэнэбулган, Мөрдөн шалгах газрын ахлах мөрдөгч, цагдаагийн дэд хурандаа Д.Энх-Амгалан, “Цэргийн хүндэт медаль”-иар Техник замын хяналтын хэлтсийн мэргэжилтэн, цагдаагийн хошууч Л.Ундармаа нарыг шагналаа.

Мөн Цагдаагийн ерөнхий газрын даргын тушаалаар Урьдчилан сэргийлэх хэлтсийн дарга, цагдаагийн хурандаа Э.Бөхбат, тус албаны ахмад ажилтан, цагдаагийн хошууч Г.Отгонбаатар нарыг “Цагдаагийн гавьяа” тэмдэгээр, хугацааны цолоор 5 алба хаагчийг тус тус шагнасныг гардуулав.

                                                                                                                                   Р.Хишиг