Улсын хэмжээнд он солигдох мөчид 39 хүү, 36 охин мэндэлжээ. Монгол Улсын Ерөнхийлөгч Х.Баттулга шинэ оны эхний өдөр Нийслэлийн өргөө амаржих газрын амаржсан эхчүүдтэй уулзжээ.
Энэ үеэр Ерөнхийлөгч Х.Баттулга эхчүүдэд эрүүл энх, сайн сайхан бүхнийг хүсээд Эрүүл мэндийн сайд Д.Сарангэрэлд төрөх эмнэлгийн орчин, төрөх орыг шинэчлэх ажилд анхаарал хандуулж ажиллахыг даалгажээ.
Он гарсаар Нийслэлийн өргөө амаржих газарт 13 эх амаржжээ. Харин тус газарт 2018 онд 11800 орчим эх амаржсан байна. Түүнчлэн Ерөнхийлөгч Х.Баттулга өнгөрсөн оны зургадугаар сарын 1-ний өдөр Нийслэлийн өргөө амаржих газрыг Хөдөлмөрийн гавьяаны улаан тугийн одонгоор шагнасан. Энэ үеэрээ тус эмнэлэгт хувиасаа 100 сая төгрөг өгөхөөр амлаж байв. Тэгвэл өнгөрсөн арваннэгдүгээр амлалтаа биелүүлж, тус эмнэлэгт сүүлийн үеийн төрөх орнуудыг бэлэглэжээ.
