“Чамд хэн итгэх юм бэ?” гурамсан романы тэргүүн дэвтэр “Вангийн нулимс” романаараа асар богино хугацаанд ажилтанд хүрч, Монголын утга зохиолд шинэ хуудас, шинэ өнгө төрх, шинэ хэв маяг, шинэ урсгал, шинэ түүх нээсэн сэтгүүлч Т.Мягмартогтох буюу Todko Samson зохиолчийн “Вангийн нулимс” романы удаах дэвтэр “Харь хэлээр яригсад" роман энэ сарын 12-ны өдөр Улаанбаатар номын санд нээлтээ хийх гэж байна. Дашрамд дурдахад, түүний “Вангийн нулимс” роман нь хэвлэгдсэн цагаасаа эхлээд олон асуудал дагуулж, олон ч уншигч нарыг байлдан дагуулж, шилдэг борлуулалттай номын жагсаалтад байсаар байсан бүтээл билээ.

Тулга тойрсон сэдэв, нэг дүр, нэг үйл явдал хөөж бичдэггүй гэдгээрээ түүний бичлэгийн хэв шинжийн онцлог эхэлнэ. Шинжлэх ухаан баримтат суурьтай, олон дүрийн олон ээдрээт асуудлыг, цаг хугацааны нарийн сүлжээсээр сүлж, үйл явдал дүрүүдээ хувьсган өрнүүлж, танин мэдэхгүй, тайлагдашгүй гүн нууцыг ил болгож, мэдлэг мэдээллээр баяжуулж, итгэн үнэмшүүлэх асар өндөр чадвараар зэвсэглэдэг зэргийг нь уншигч нар нь андахгүй буй за.

Шүлэг найраглалаас бичвэрээ эхэлсэн зохиолч маань үргэлжилсэн үгийн бүтээлээрээ амжилт гаргаж яваа нь өөрийн сэтгэлгээний чансааг нотолсон явдал билээ. Todko Samson-ны шүлгүүд омголон бөгөөд хурц иртэй, утга чанадын гүн агуулгатай, “ХАЙР” ихтэй байдаг. Мөн ирэх сар гэгээн хайрын өдрийг тохиолдуулан “Дамжин өнгөрөх нислэг” нэртэй хайр дурлалын жүжгийн зохиол нь тайзнаа амилах ажээ. Ингээд номонд дурладаг, шимтэн уншдаг тэр дундаа “Вангийн нулимс”-ын эзэн Todko Samson зохиолчийн уншигч нарын хувьд “Харь хэлээр яригсад” романы нээлт гайхалтай цаг мөч байх нь гарцаагүй.

Зохиолчийн номын нээлт мөн л уламжлалыг эвдэж роман бичих хугацаандаа хийсэн судалгааны баримтуудаа дэлгэж, хүн төрөлхтний эсрэг хийсэн томоохон гэмт хэрэг болох 731-р ангийн тухай фото зургийн үзэсгэлэн дэлгэж, эрэл хайгуулын явцад цуглуулсан баримтат сурвалжлаг нэвтрүүлэг үзүүлэх гэнэ.