Баянзүрх дүүргийн 21 дүгээр хороонд байрлах “Очир” төв зочид буудалд 13 настай охин М-ийг хууран мэхэлж дагуулж ороод улмаар хүчээр архи уулгаж, хүчирхийлж амийг насыг нь хохироосон аймшигт хэрэг 2017 оны наймдугаар сард гарсан. Жил гаруйн хугацаанд мөрдөн байцаалтад удаа дараа буцсан уг хэргийг шүүхээс өнгөрсөн 2018 оны арваннэгдүгээр сарын 23-ны өдөр шийдвэрлэсэн бөгөөд шүүхээс Д.Жавхлан, М.Амарболд нарыг гэм буруутай гэж үзэн бүх насаар нь хорих ял оногдуулсан юм.

Тэгвэл Д.Жавхлан, М.Амарболд нар анхан шатны шүүхийн шийдвэрийг эсэргүүцэж давж заалдахаар болсон байна. Уг асуудлаар хохирогч талын өмгөөлөгч Г.Батбаяраас тодруулахад “13 настай охины амь насыг хохироосон этгээдүүдийн хэрэг давж заалдах шатны шүүхэд энэ долоо хоногт шилжих болов уу. Илтгэгч шүүгч шүүх хурал хэзээ хуралдахыг товлоно” гэв. Мөн талийгаач охины аав Т.Лхагвасүрэн анхан шатны шүүх хурлын дараа бие нь муудаж СЭМҮТ-д эмчилгээ хийлгэж байгаад гарсан гэлээ.

Г.Алимаа