УИХ-ын чуулган одоогоор найман удаа хойшлоод буй. Чуулганаар хэлэлцэж шийдвэрлэх ёстой олон чухал асуудал Тэд УИХ-ын даргыг суудлаас нь буулгах шаардлага хүргүүлсэн бойкотчин 40 гишүүнээс болж ийн хойшилсон юм. Хариуд нь УИХ-ын дарга хуулийн дагуу л үүрэгт ажлаа хүлээлгэж өгнө гэж мэдэгдсэн. Түүний ч зөв. Тийм бус аваас нийгэмд буруу жишиг тогтож, өөрт таалагдаагүй бүхнийг хүчээр авч хаядаг муухай тогтолцоо бий болно. Үүнийг нь ч нийгэм хүлээн зөвшөөрч буй. Гэтэл Монгол Улсын Ерөнхийлөгч нь өөрөө энэ жишгийг тогтоож, бойкотчин гишүүдийг дэмжиж буйгаа илэрхийлсэн хуулийн төсөл оруулж ирэв. Энэ хуулийн төслийг өчигдөр Төрийн байгуулалтын байнгын хороогоос 100 хувийн саналаар дэмжсэн. Эндээс үзвэл, дээрх хууль батлагдаж, УИХ-ын дарга М.Энхболд ажлаа өгөх нь нэгэнт тодорхой болчих шиг боллоо.

Гэтэл бойкотчин гишүүд хоёр дахь жагсаалаа зохион байгуулах гээд иргэдийг уриалан дуудаад тун завгүй яваа сурагтай. Өнгөрсөн долоо хоногт энэ удаагийн жагсаалаар өлсгөлөн зарлахаа гишүүд мэдэгдсэн. Өнөөдөр болох жагсаалд хэдэн хүн оролцож, жагсаал яаж төгсөхийг хэн ч тааварлашгүй. Бидний мэдэж буй ганц зүйл бол үнэгүй жагсаал гэж хаа ч байхгүй гэдгийг иргэд мэддэг, ухаардаг болсон. Тэгвэл жагсаалд зориулах мөнгөө утааны эсрэг тэр дундаа эмнэлгийн үүд сахиж суугаа балчир үрсэд зориулаач гэж уриалмаар байна.

Нэг хүнийг суудлаас нь буулгахын төлөө, эрх мэдлийн төлөө улайрч идэр есийн хүйтнийг л үл тоон жагсч байгаа нь таалагдахгүй байна. Харин утааны эсрэг, ам.доллар, шатахууны өсөлтийг эсрэг, ажлын байр нэмэгдүүлж, эх, үрсийн эрүүл мэндийн хамгаалахын төлөө жагсана гэвэл хоёр гараа өргөөд дэмжье.

Р.Хишигжаргал