Хууль зүй, дотоод хэргийн сайд асан Д.Дорлигжав болон түүний төрсөн дүү Д.Баатар болон Ч.Бямбаа нар ШШГЕГ-ын харьяа Цагдан хорих 461 дүгээр ангид анхан шатны шүүхийн шийдвэрийн дагуу нэг сар цагдан хоригдсон. Тэрбээр  шүүхийн шийдвэрийг хүлээн зөвшөөрөхгүй гэдгээ илэрхийлж, гурван өмгөөлөгчөөрөө дамжуулан Хан-Уул дүүргийн Эрүүгийн хэргийн шүүхийн ерөнхий шүүгчид давж заалдах хүсэлт гаргасан талаарх мэдээдэл цацагдсан. Түүний хүсэлтийг гурван хоногийн дотор хэлэлцэх ёстой. Хэрвээ шүүхээс түүний хүсэлтийг хүлээж авбал тэрбээр хорих ангиас суллагдах магадлалтай юм. Тиймээс энэ талаар Хан-Уул дүүргийн Эрүүгийн хэргийн анхан шатны шүүхээс асуухад "Одоогоор Хан-Уул дүүргийн Эрүүгийн хэргийн анхан шатны шүүхийн Еерөнхий шүүгчид гомдол гаргаж ирээгүй" гэв.

Г.Алимаа