Зуун айл орчмын барилгын материалын захыг нүүлгэн шилжүүлэх ажлын хүрээнд өнгөрсөн онд 20 гаруй үйлдвэрийг нүүлгэсэн шилжүүлжээ.

Тус газрын авто замыг өргөтгөх ажлыг тавдугаар сард эхлүүлнэ. Гэвч зарим аж ахуйн нэгж Сүхбаатар дүүргийн XI хорооны нутаг буюу суурьшлын бүс дотор үйлдвэр барьж, үйл ажиллагаа явуулж эхэлжээ.

Тодруулбал, НИТХ-ын төлөөлөгч Ч.Гантулгаар ахлуусан тус ажлын хэсгийнхэн Сүхбаатар дүүргийн IX-XI дүгээр хорооны нутаг дахь үйлдвэрүүдийн үйл ажиллагааг шалгахад 10 орчим үйлдвэр үйл ажиллагаа явуулж байжээ. Үүнээс үүдэн гэр хорооллын дахин төлөвлөлтийн төслийн ажил гацаж, агаар орчны бохидол ихсэж буй талаар ажлын хэсгээг тайлбарлаж байна. Учир нь гэр бүлийн хэрэгцээний зориулалттай газарт үйлдвэрийн барилга барихыг хориглодог юм байна.