Сар шинийн баярын өдөр цагдаагийн байгууллагад 80 гаруй настай нэр хаяг нь тодорхойгүй өндөр настан осгож нас барсан гэх дуудлага мэдээлэл бүртгэгджээ. Тодруулбал, шинийн хоёрны /2019.02.06/ өдөр Сонгинохайрхан дүүргийн нутаг дэвсгэрт амьдардаг 80 орчим настай буурай гэртээ ганцаараа гар хөл нь осгосон байдалтай байхад нь зэргэлдээх айлын иргэд түргэн тусламж дуудаж хүлээлгэн өгчээ. Харамсалтай нь, тэрбээр эмнэлэг явах замдаа амьсгал хураасан байна. Талийгаач нь оршин суугаа хороондоо бүртгэлгүй, бичиг баримтгүй, үр хүүхэдгүй, харж хандах ах дүүгүй нэгэн бөгөөд тус дүүргийн 25, 26-р хорооны заагт оршин суудаг байжээ.
Сэтгэгдэл (8)