“Монгол HD” телевизийн “Шарк танк” нэвтрүүлгийн хамгийн бяцхан оролцогч Б.Индрагийн “Бүжинд тохиолдсон явдлууд” номынхоо дараагийн цуврал энэ сарын 15 буюу маргаашнаас худалдаанд гарахаар болжээ. Нийслэлийн Сүхбаатар дүүргийн улсын тэргүүний Нэгдүгээр сургуулийн V ангид сурагч тэрбээр “шарк”-уудаас 5.7 сая төгрөгийн санхүүжилтийг долоон сая болгож өгөх болзолтой хүссэн юм. Харин шаркууд охины хөдөлмөрч, авьяас, зүтгэлийг үнэлж, бүгд тус бүр таван сая төгрөг өгөхөө амласан. Энэ мөнгөөр Б.Индра “Бүжинд тохиолдсон явдлууд” номынхоо дараагийн цувралыг хэвлүүлэх ажилдаа орсон бөгөөд эхний шинэ цуврал энэ сарын 15-наас “Брик хаус” тоглоомын дэлгүүрт худалдаалагдаж эхлэх юм байна. 10 настай Б.Индра зохиолоо өөрөө бичиж, ээжээрээ зуруулж, аав нь номыг нь хэвлэжээ.