Сөүл-Улаанбаатар чиглэлийн онгоцонд тэсрэх бөмбөг тавьсан гэх мэдээлэл хэвлэл хэрэгслээр гарсан. Тус мэдээлэл нь худлаа болохыг “МИАТ”-иас  мэдээллээ. Тодруулбал “Сөүл-Улаанбаатар чиглэлд хөөрөх гэж байсан EI-FGN бүртгэлийн дугаартай В767-300 маягийн агаарын хөлөгт БНСУ-ын Инчеон олон улсын нисэх буудлын аюулгүй байдлын албанаас аюулгүй байдлын үзлэг хийхэд ямар нэгэн зөрчил, дутагдал илрээгүй бөгөөд тус агаарын хөлөг Улаанбаатарын цагаар 16.59 цагт Инчеон олон улсын нисэх буудлаас хөөрч, “Чингис Хаан” олон улсын нисэх буудалд 20.23 цагт буух юм байна. МИАТ компани олон улсын холбогдох дүрэм, журмын дагуу ажиллаж нислэгийн үйл ажиллагааг хэвийн горимд шилжүүллээ” хэмээн өөрийн сайтдаа нийтэлжээ.

Тэгвэл МИАТ-ын онгоцноос гадна Солонгосын Korean AIR-ын онгоц ч гэсэн мөн ийн шалтгаанаар нислэг нь саатан шалгагджээ. Шалгалтаар БНСУ-ын Инчеон олон улсын нисэх буудлын аюулгүй байдлын албанаас Korean AIR-ын онгоцонд аюулгүй байдлын үзлэг хийхэд мөн л ямар нэг зөрчил илрээгүй байна.

Р.ХИШИГ