Хувиараа таксинд явж буй иргэнийг 100 мянган төгрөгөөр торгох ажлыг Зам тээврийн, хөгжлийн яамнаас зогсоожээ.
Зам тээврийн, хөгжлийн яамнаас иргэдийн халаас руу гар дүрсэн байдлаар торгууль давамгай хэрэгжүүлэх нь буруу гэж дүгнэсэн байна.
Тодруулбал, хууль бусаар дуудлагын таксийн үйлчилгээ эрхэлж байгаа иргэд, аж ахуйн нэгж, байгууллагуудыг цэгцлэх зорилгоор Нийслэлийн Цагдаагийн газар, Шударга өрсөлдөөн хэрэглэгчдийн төлөө газар болон Монголын таксийн үйлчилгээ эрхлэгчдийн холбоотой хамтран ажиллаж байсан юм.
Энэ хүрээнд Зөрчлийн тухай хуулийн 14.6 дугаар зүйлийн 12 дахь хэсэгт зааснаар нэг аж ахуйн нэгж, байгууллагад нэг мянган нэгжтэй тэнцэх хэмжээний буюу 1.000.000 төгрөг, зургаан иргэнд нэг зуун нэгжтэй тэнцэх хэмжээний буюу 100.000 төгрөгийн торгуулийн арга хэмжээ тооцсон бөгөөд холбогдох хууль, тогтоомжийн дагуу нэг аж ахуйн нэгж, байгууллагад улсын байцаагчийн акт гарган үйл ажиллагааг нь зогсоосон юм.
Сэтгэгдэл (16)