Ус, цаг уур, орчны шинжилгээний газраас Өвөрхангай аймгийн нийт нутаг, Баянхонгорын хойд, Архангайн зүүн хэсгээр цасан шуурга шуурч байна гэж мэдээллээ. Өнөөдөр үдээс хойш нутгийн төв хэсгээр, 20-нд нутгийн өмнөд хэсгээр хур тунадас, нойтон цас орж, цасан болон шороон шуурга шуурга шуурч, хүйтрэхийг анхаарууллаа.

Тээврийн цагдаагийн албанаас мэдээллэснээр яг одоо Баянхонгор, Өвөрхангай, Дундговь аймагт цас орж, шуурч эхэлсэн байна.

Харин Сүхбаатар, Өмнөговь аймагт тэнгэр бүрхэг, хүйтэн салхитай байгаа бол Өвөрхангай аймгийн Хархорин, Бат-Өлзий суманд цас оржээ.

Дорноговь аймагт шороон шуургатай байна.

Иймд иргэд, тээвэрчид замд гарах шаардлагатай бол техникийн бүрэн бүтэн байдлыг хангаж, анхаарал болгоомжтой зорчихыг зөвлөж байна.