Хойд эцэгтээ зодуулсны улмаас сэхээнд орсон дөрвөн настай хүү Гэмтэл согог судлалын төвийн эрчимт эмчилгээний тасагт хэвтэн эмчлүүлж байгааг бид өмнө нь мэдээллэсэн. Одоогийн байдлаар хүү хоёр удаа яаралтай хагалгаанд ороод байгаа. Тэгвэл хүү ухаан орсон байна. Одоогоор нэрээр нь дуудахад хариу үйлдэл үзүүлдэг болсон ч биеийн байдал тогтворжсон гэж хэлэх эрт байна гэдгийг ГССҮТ-өөс мэдээллэсэн юм.

Хэргийг нэхэн сануулахад, дөрвөн настай дагавар хүүгээ “орондоо шээлээ” гэдэг шалтгаанаар хойт эцэг нь модон хусуураар нүүр, биеийг нь хөх эрээн болтол зодсон юм. Зодуурын улмаас хүүгийн тохой хугарч, олон тооны дотуур гэмтэл авч, зарим эрхтэн нь ажиллагаагүй болсон.

Уг хэрэг болох үед ээж нь Дархан-Уул аймаг руу хоёр өдрийн хугацаатай явсан байж таарсан. Хүүгийн өвөө нь ач хүүтэйгээ уулзахаар очих үед хойт эцэг нь хүүг байхгүй гэж уулзуулахаас татгалзсан байдаг. Харин хүүгийн ээжийг гэртээ ирэх үедээ хүүгийнхээ биеийг эрээн алаг болтлоо хөхөрсөн байхыг хараад юу болсныг асуухад "Орноос унасан" гэж хэлсэн байна. Энэ үг нь үнэмшил төрүүлээгүй учир эмнэлэгт хандахад хүүг олон тооны гэмтэл авсан нь тодорхой болсон юм. 

Уг хэргийг Баянгол дүүргийн цагдаагийн хоёрдугаар хэлтэст шалгаж байна