Баянзүрх дүүргийн 10,19 дүгээр тойрогт өнгөрсөн сарын 23-ны өдөр дахин сонгууль явагдсан. Тус сонгуулийн эргэн тойронд багагүй маргаантай асуудлууд өрнөсөн. Дүүргийн ИТХ-ын тэргүүлэгчид 4 дүгээр сарын 19-ны өдөр хуралдаж тус тойргоос сонгогдсон төлөөлөгчдийн бүрэн эрхийн асуудлыг хэлэлцэх байсан ч дүүргийн ИТХ дахь МАН-ын бүлгээс ИТХ-ын тамга, тэмдэггүй тогтоол гаргаж, хууль бус хурлыг хуралдуулж Нийслэлийн Засаг даргын Захирамж гаргуулсан байдаг.  

Түүнчлэн, өнөөдөр буюу 2019 оны 4 дүгээр сарын 04-ний өдөр нийслэлийн Захиргааны хэргийн анхан шатны шүүхээс Баянзүрх дүүргийн 19 дүгээр тойргоос сонгогдсон нэр дэвшигчид түр үнэмлэх олгосон Баянзүрх дүүргийн сонгуулийн хорооны 2019 оны 03 дугаар сарын 24-ний өдрийн 20 дугаар тогтоолын хэрэгжилтийг түдгэлзүүлж, хууль бус сонгууль зохион байгуулсан талаарх хэргийг үргэлжлүүлэн шалгаж байгаа аж.

Захиргааны хэргийн анхан шатны шүүхийн шийдвэртэй зэрэгцэн дүүргийн МАН-ын төлөөлөгчид дахин дүүргийн Засаг даргын Тамгын газрын байр руу дайрч эмх замбараагүй байдал үүсгээд байна.