Хотын дарга С.Амарсайхан БНХАУ-ын компанид 50 га газар өгч, хүлэмж ашиглуулахаар шийдвэрлэсэн гэх асуудал сүүлийн үед ихээхэн маргаан дагуулаад байгаа билээ.
Тодруулбал, өнгөрсөн баасан гарагт НИТХ-ын төлөөлөгч С.Мөнхчулуун болон зарим хүлэмж эрхлэгч иргэд БНХАУ-ын Тяньжинь фүүдс компанид уг газрыг өгч ашиглуулах шийдвэрээ буцаахыг шаардаж, мэдээлэл хийсэн юм. Энэ үеэр НИТХ-ын төлөөлөгч С.Мөнхчулуун “Уг нь НИТХ-аар уг асуудал орж ирэх үед дээрх шалтгаанаар буцаажээ. Харин хотын даргын зүгээс нийслэлийн өмчтэй “Улаанбаатар менежмент” хаалттай хувьцаат компанийг хамтран ажиллахаар сонгосон тухай албан бичгийг ЗГХЭГ-ын даргад хүргүүлсэн байна. 50 га газар гэдэг Монгол Улсын нийт хүлэмжийн 90 хувьтай тэнцэх хэмжээний газар юм. Хэрэв уг завшаарлийг олгочихвол нэгдүгээрт, хүлэмж эрхлэгч аж ахуйн нэгжүүдийг татан унагаах хор уршигтай. Хоёрдугаарт, хүнсний аюулгүй байдалд сөргөөр нөлөөлнө” гэж мэдэгдсэн юм.
Тэгвэл өнөөдөр хотын дарга С.Амарсайхан хийсэн мэдээлэлдээ уг асуудлаар ийн тайлбарлав. Тэрбээр “Олон нийтийн дунд эргэлзээ үүсгээд байгаа хэд хэдэн асуудлыг залруулъя. Түүний нэг нь С.Амарсайхан Хятадын компанид 50 га газар өгөх гэж байгаа гэдэг нь ташаа мэдээлэл байна. Засгийн газрын хэмжээнд хоёр улсын хамтын ажиллагааг өргөжүүлэх, харилцан үр ашигтай хамтарч ажиллах тухай асуудлыг өнгөрсөн оны арванхоярдугаар сард хэлэлцэж, тодорхой өжлуудад хамтарч ажиллахааар санал солилцсон юм билээ. Энэ хүрээнд Ерөнхий сайдын захирамжаар ажлын хэсэг байгуулагдсан байдаг юм. Дараа нь ЗГХЭГ-ын тэргүүн орлогчоос Тяньжинь хотын захиргаатай хүнсний ногоо тариалах, хүлэмж байгуулах асуудлыг судлах холбогдох судлагаа хийх арга хэмжээг зохиолн байгуулах шаардлагатай гэсэн алыан бичгийг миний нэр дээр ирүүлсэн. Ингээд ЗГХЭГ-ын дарга Л.Оюун-Эрдэнийн нэр дээр БНХАУ-ын Тяньжинь хоттой хамтын ажиллагааг хөгжүүлэх зорилго бүхий 10 ажлыг хэрэгжүүлэх ажлын хүрээнд холбогдох хурал, тооцоо судалгаа хийх нийслэл өмчит 100 хөрөнгө оруулалт менежментийн нэрийг хүргүүлсэн албан бичгийг хүргүүлсэн. Энд ямар нэгэн газар олгох талаар яриагүй.
Туулын бургасыг хядаж барилга барьсан гэх "Зүүнбаян Рефайнери" ХХК-ийн дарга хэмээн мэдээлэл хийгээд буй О.Сайнбаяр нь Засаг даргын ХОМ-тээ дурдсан "Оюуны ундраа" ХХК-ийн хамгаалалтын албаны даргаар ажилладаг талаар мэдээлэл гараад буй.
Энэ талаар түүнээс тодруулахад "Оюуны ундраа групп 1700-1800 гаруй ажилтантай. Би НИТХ-ын дарга болсноос хойш компанийн үйл ажиллагаанд оролцолгүй хоёр жил болж байна. Олон мянган хүнтэй компанийн ажилтнуудыг бүртгэх боломж байхгүй учраас би одоо мэдээлэл өгөх боломжгүй. О.Сайнбаяр гэж нөхөр үйл ажиллагаа нь зогссон гэдгийг хэвлэлийн хурал хийж зарлаж байна лээ. Энэ компани надад хамаагүй. Хамааралгүй зүйлийг хамаатуулах гэж байна. "Зүүнбаян рефайнери" ХХК-ийн үйл ажиллагааг зогсоож, барилгыг нурааж, нөхөн сэргээх Нийслэлийн Засаг даргын захирамж гарсан.
Мөн Төв цэвэрлэх байгууламжид саяхан үйлдвэрлэлийн осол болсон. Дөрвөн залуу амь насаа алдсан, түүний гэр бүл нялх биетэй, бие давхар хүн байдалтай үлдлээ. Хамгийн гол нь 2016-2017 онд 8.1 тэрбум төгрөгөөр осол гарсан газар засвар үйлчилгээ хийгдсэн байна. Энэ ажил чанаргүй хийгдсэн гэсэн үг.
Түүнчлэн сургууль, цэцэрлэгийн барилгын ажилд олон жил туслах нь зуучлагч болсон аж ахуйн нэгжүүдийг дуудаж ирж дарамталдаг байдал байсан. Таван жилийн өмнө эхэлсэн тусгай замын автобусны 270 сая ам.долларын төсөл зогссон. Тендер зарлахаар дарга нар өөрсдийн компанийг оруулах гэж зүтгэсээр ямар ч үр дүнгүй гурван сая ам.долларыг нь зарцуулчихсан байна. Энэ асуудлыг дэлгэнэ, хариуцлагагүй ажилласан хүмүүсийг хална гэсэн учраас ийн надтай холбоотой асуудал гарган ирж байна” гэв.
Б.Лхам
Сэтгэгдэл (10)