Галд өртөж, шатахаас өмнөх ой

Сүхбаатар аймгийн Дарьганга сумын нутагт орших Шилийн богд ууланд өнөөдөр 17.20 цагийн орчим гал гарсан талаар бид мэдээллэсэн билээ. Гал гарахаас өмнөхөн суудлын цагаан өнгийн автомашинтай хоёр эрэгтэй, нэг эмэгтэй тус уул руу гарсан мэдээлэл байна. Дээрх иргэдийг уул руу гарснаас хойш хэдхэн хоромын дараа түймрийн утаа суунаглахыг Шилийн богд уулын ойролцоо амьдардаг иргэд харж, улмаар гал унтраахаар хөдөлжээ. Хүчтэй салхины улмаас Шилийн богд уулын ойр орчим галд өртсөн байна.

Хамгийн гол нь доктор Дугаржавын 10 гаруй жилийн өмнөөс тарьсан 10 гаруй мянган мод уг галд өртөж, шатжээ. 

Галд шатсан мод нь зургаан метрийн өндөртэй олон төрлийн мод байсан аж. 

Гал алдсан иргэд түймрийн үеэр зугтсан бөгөөд тэднийг цагдаагийн алба хаагчид эрэн сурвалжилж байгаа юм байна. 

Гал түймрийг Хилийн цэргийн 0184 дүгээр засватын бие бүрэлдэхүүнээс гадна нутгийн иргэд унтраажээ. Гал түймрийн голомт аймгийн төвөөс 180 км газарт гарсан учир Сүхбаатар аймгийн Онцгой байдлын алба хаагчид тусламж үзүүлж чадаагүй байна.   

Г.Нацаг