Ерөнхий боловсролын сургуульд зургаан настангууд элсэн орох бүртгэл ирэх сараас эхлэх гэж байна. Тодруулбал, энэ жил 2013 оны нэгдүгээр сарын 1-нээс арванхоёрдугаар сарын 31-нийг дуустал төрсөн хүүхдүүд нэгдүгээр ангид элсэн орох боломжтой. Одоогийн байдлаар хамран суралцах тойргийн тухайд тушаал гараагүй бөгөөд боловсруулах шатанд явж байгаа аж.

Энэ жил улсын сургуулийн нэгдүгээр ангид орох хүүхдүүдийн бүртгэлийг тавдугаар сардаа багтаан зохион байгуулахаар ажиллаж байна. Тов нь тодорхой болмогц олон нийтэд мэдээлэл өгөх юм байна. 

Мөн энэ жил нэгдүгээр ангийн сурагчдыг цахимаар бүртгэж магадгүй аж. БСШУС-ын сайд Ё.Баатарбилэг нийслэлийн ерөнхий боловсролын "Шинэ Монгол" сургуулийн захиралд явуулсан албан бичигтээ "Нийслэлийн Боловсролын газраас энэ хичээлийн жилд нэгдүгээр ангид элсэгчийн бүртгэлийг цахимаар зохион байгуулах бэлтгэл хангаж байна" гэжээ.

Өнгөрсөн жил зургаан настнуудыг хавар бүртгэж байсан бол энэ жил тавдугаар сард бүртгэхээр болсон байна.