НҮБ-ийн Хөгжлийн хөтөлбөр “Монгол Улсад мэргэжлийн, иргэн төвтэй төрийн албыг төлөвшүүлэх нь” төслийг Монгол Улсын Төрийн албаны зөвлөл, Засгийн газрын Хэрэг эрхлэх газартай хамтран хэрэгжүүлж байна.

Засгийн газрын Хэрэг эрхлэх газар, Төрийн албаны зөвлөл “мэргэшүүлэх багц сургалтын агуулга, хөтөлбөр”-ийг өнгөрсөн сард хамтран баталсан.

Энэ шийдвэрээр төрийн албаны тэргүүн, эрхэлсэн, ахлах түшмэлийн ангиллын албан тушаалд томилогдох албан хаагчдад “Бодлого, стратеги”, “Захиргаа, удирдлага”, “Мэдээллийн технологи”, “Ёс зүй, хүний эрх” гэсэн сэдвүүдийн хүрээнд багц сургалтын тодорхойлжээ.

Хоёр дахь өдрөө Удирдлагын академийн байранд үргэлжилж буй энэ удаагийн сургалт төрийн албан хаагчийг мэргэшүүлэх багц сургалтын хөтөлбөрийн хүрээнд “Бодлого, стратеги” сэдвээр явагдаж байна.

Сургалтад яам, агентлагийн Төрийн захиргааны удирдлагын газрын дарга, аймаг, нийслэлийн Засаг даргын Тамгын газрын дарга, Иргэдийн Төлөөлөгчдийн Хурлын Тэргүүлэгчдийн Нарийн бичгийн нар хамрагдаж байна.

Төрийн албаны шинэчлэлт зөвхөн төрийн жинхэнэ албан хаагчдын хүрээгээр хязгаарлагдахгүй. Шинэчлэлтийг бүх салбарт үр дүнтэй хүргэх зорилтыг Төрийн албаны зөвлөлийн шинэ бүрэлдэхүүн тавьж буй талаар сургалтын эхэнд Төрийн албан зөвлөлийн удирдлага мэдэгдлээ.

Маргааш Төрийн албаны зөвлөлөөс анх удаа Төрийн өмчит үйлдвэрийн газрын 150 захирал оролцсон сургалт зохион байгуулагдах ажээ.