Улсын нэгдүгээр төв эмнэлгийн Эрхтэн шилжүүлэн суулгах багийн хамт олон 54 настай Э-д цусны бүлэг тохироогүй донороос эрхтэн шилжүүлэн суулгах мэс засал амжилттай хийжээ.  

Мэс заслыг Эрхтэн шилжүүлэн суулгах баг болон БНСУ-ын Анагаах ухааны төвийн Эрхтэн шилжүүлэн суулгах төвийн баг хамт олонтой хамтран өнгөрсөн сарын 26-ны өдөр амжилттай хийсэн байна. 54 настай Э-гийн биеийн байдал сайжирч байгаа аж.

Энэ талаар Улсын Нэгдүгээр Төв Эмнэлгийн Ерөнхий захирал Д.Чулуунбаатар “Улсын нэгдүгээр төв эмнэлэг элэг шилжүүлэн суулгах мэс заслыг 2011 оноос хойш хийж байгаа бөгөөд 75 дахь хагалгаагаа амжилттай хийлээ. Үүнээс 33 хүнд нь БНСУ-ын Анахаах ухааны төвийн эмч нартай хамтран хийсэн юм. Цусны бүлэг тохироогүй донороос эрхтэн шилжүүлэх мэс заслын ажил хийнэ гэдэг донорын хүрэлцээг нэмэгдүүлсэн чухал ач хоблогдолтой гэж харж байна. Дэлхийн 46 орон энэ төрлийн эрхтэн шилжүүлэх мэс заслыг хийдэг.

75 хүнд эрхтэн шилжүүлэн суулгах хагалгаа хийснээс амьдралын чадвар нь сайжирсан үзүүлэлт гарсан. Тухайлбал, өнөөдрийн байдлаар гурван эх хагалгааны дараа хоёр хоёр хүүхэд төрүүлсэн байна” гэв.