Улаанбаатар хотод он гарснаас хойш 50 орчим удаагийн нийтийн эзэмшлийн хайс, хашлага, ногоон байгууламжийг эвдэж сүйтгэсэн тохиолдол бүртгэгджээ.
Нийт 50 сая гаруй төгрөгийн хохирол учирсанаас 18 сая төгрөгийн хохирлыг буруутай этгээдүүдээр нөхөн төлүүлжээ.
Тухайлбал, том оврын шилмүүст модыг 2016-2018 онд нийт 67 байршилд 8095 ширхэг тарьснаас механик гэмтлээр дөрвөн жилийн хугацаанд автомашины осол, аваар, хүний буруутай үйл ажиллагаанаас болж 2016 онд зургаан ширхэг, 2017 11 ширхэг, 2018 онд 58 ширхэг шилмүүст модыг дайрсан тооцоо гарсан байна. Энэ онд 12 ширхэг нийт 87 шилмүүст модыг дайрчээ.
Тасганы овоонд 136 шилмүүст мод тарьснаас есөн удаагийн тохиолдлоор 19 ширхэг модыг дайрсан тохиолдол бүртгэгдээд байна. Дайрч сүйтгэсэн, хоосон онгойж үлдсэн байршлуудад гүйцэтгэгч байгууллагууд өөрсдийн хөрөнгөөр нөхөн тарилт хийх ажлыг эхлүүлжээ. Түүнчлэн гоёлын мод бут, сөөг, зүлэг, ургамалан хашлага зэрэг ногоон байгууламж сүйдсээр байна. Иймд замын хөдөлгөөнд оролцогч анхаарал болгоомжтой зорчихыг анхааруулж байна.
