ШӨХТГ-аас авто үйлчилгээний байгууллагад хийсэн хяналт, шалгалтын талаар мэдээлэл хийлээ. Тодруулбал, тус газраас энэ сарын 17-ны өдрийн удирдамжийн дагуу авто үйлчилгээний байгууллагад хэд хэдэн байгууллагад шалгалт хийжээ. Шалгалтаар дараах зөрчлүүд илэрчээ. Үүнд, авто үйлчилгээний газрууд хэрэглэгчийн засвар үйлчилгээтэй холбоотой гомдлыг бүртгэдэггүй. Тэднээс ирсэн мэдээллийг шийдвэрлэх дүрэм, журам дотоодод байхгүй байна. Түүнчлэн Вьетнам засвар, Кузов засвар нар Нийтийн тээврийн газар, тухайн нутаг дэвсгэрийн Үйлдвэр, үйлчилгээний хэлтсээс холбогдох зөвшөөрөл авалгүй үйл ажиллагаа явуулж байжээ. Мөн татварын байгууллагад бүртгэлгүй зэрэг зөрчил түгээмэл илэрчээ.

Нийслэлийн мэргэжлийн хяналтын газраас авто засваруудад 2014 оноос хойш ямар нэгэн хяналт, шалгалтын ажиллагаа явуулаагүй байна. Авто тээврийн үндэсний төв, Нийтийн тээврийн газартай уялдаа холбоогүй ажилладаг. Зөвхөн орон нутгийн авто засваруудад зөвшөөрөл олгох байдлаар үйл ажиллагаагаа хязгаарладаг гэж ШӨХТГ-ын Хэрэглэгчийн эрхийг хамгаалах газрын дарга Ш.Цэрэндулам хэлсэн юм.

Б.Лхам