Энэ сарын 23-аас 25-ны хооронд Монгол-Төвдийн үе нугалмын хөдөлгөөнт гар заслын аргын мастер сургалт Монголд анх удаа зохиогдох гэж байна. Уг сургалтын зочин багшаар уригдсан Төвдийн Чумба Лама нь "Шэй Цум" йогийн үндэслэгч бөгөөд АНУ-д зохион байгуулагдаж буй сургалтаасаа шууд Монголд ирэхээр төлөвлөжээ. Тэрбээр Монголын уламжлалын эмч нартай хамтарч үе нугалмын хөдөлгөөн заслын шинэ аргачлалыг бий болгосон байна. Үүнийгээ Монголын эмч нарт дээрх сургалтын хүрээнд зааж өгөх аж. Уг аргачлалаар нуруу, нугасны гажгийг эмийн бус аргаар эмчлэх бүрэн боломжтой аж. 

Тодруулбал, бариа засал болон бусад уламжлалт эмчилгээгээр зовиур багасаж сайжирдаг. Гэвч нуруу хүзүүний нугалмуудын гулсалт, суулт, хазайлт, мурийлт зэрэг эмгэг байрлалтай бүрэн засагдах боломжгүй бодит өөрчинтэй өвчнүүдийг эмчилж бүрэн эдгэрүүлэх, цаашилбал эдгээр бодит өөрчлөлтүүдээс өвчний эхэн үед нь урьдчилан сэргийлэх бүрэн боломжтойгоороо Монгол, Төвд үе нугалмын хөдөлгөөнт гар заслын арга нь бусад бүх бариа засал болон гар заслын аргуудаас давуу талтай юм. Монгол Төвд үе нугалмын хөдөлгөөнт гар заслын аргын албан ёсны анхны 2 кредиттэй 24 цагийн сургалтыг АШУҮИС-ИЙН МАУОУС болон Мажаа эмнэлэг хамтран энэ сарын 23-25 өдрүүдэд зохион байгуулах гэж байна.

Сургалтаар эдгээр өөрчлөлтүүдийг бодит үзлэгээр хэрхэн оношлох, хэрхэн гар заслын аюулгүй үр дүнтэй техник ашиглан засах талаар практик дадлага хичээлийг туршлагатай төвөд монгол багш нар гардан заана. Сургалтын дэлгэрэнгүй мэдээллийг Монгол Төвөд үе нугалмын хөдөлгөөнт гар заслын арга пэйж хуудсанд лайк даран нэгдэж авна уу.

Түүнчлэн энэ сарын 27, 28-ний өдрүүдэд Улаанбаатар хотод анх удаагаа зохиогдох "Шэй-Цум" амьсгалын йогийн сургалтыг дээрх эмч нарын баг мөн хамтарч зохион байгуулах юм. 

Иогийн талаарх дэлгэрэнгүй мэдээллийг доорх линкээр авна уу. 

https://www.24tsag.mn/a/173818