Мэдээлэл, технологийн үндэсний паркийн (МТҮП)-ийн ажилтнууд энэ сарын 22-ноос ажил хаялт зарласан. Ажил хаясан шалтгаан нь байгууллагын харьяаллыг харилцаа холбоо, мэдээлэл технологийн салбарт нь шилжүүлэх, хоёрдугаарт, байгууллагын статусыг эргэж харах, гуравдугаарт, мерит буюу шатлан дэвшүүлэх зарчмаар захирлын асуудлыг шийдвэрлэх ёстой гэсэн шаардлага тавьсан байна. Мэдээлэл, технологийн үндэсний паркийн захирлыг сүүлийн зургаан жилийн хугацаанд таван удаа сольсон бол статус нь гурван удаа шилжсэн юм.

Угтаа бол манайх шиг далайд гарцгүй улсын эдийн засгийн үр өгөөжийг нэмэгдүүлж, амь тариа болох учиртай салбарт нь яах аргүй мэдээллийн технологийн салбар. Энэ ч утгаараа инновцийг дэмжиж, эдийн засгийн өсөлтөд бодьт үр дүн оруулах төсөл хөтөлбөрийг санхүүжүүлэх, боловсон хүчнийг мэргэшүүлэх, тэр дундаа гарааны бизнесийг дэмжихээр ажиллаж буй. Энэ хүрээнд МТҮП-аас холбогдох журмын дагаа гарааны компаниудыг дэмжиж, бойжуулах чухал үүргийг гардан гүйцэтгэдэг. Гэтэл эдийн засаг, нийгэмд чухал байр суурь эзэлсэн байгууллагыг мэргэжлийн төвшинд удирдлага, арга зүйгээр хангахгүй, улс төржүүлж томилогоо хийж буйд нь эмзэглэж байна гэдгийг ажилчид хэлсэн юм.