“Түмний байр” төслийн хүрээнд иргэн Т.Ундармаад 1 өрөө байрны зээлд хамрагдах боломжийг бүрдүүлж өгөх арга хэмжээ өнөөдөр боллоо. Энэ талаар тэрбээр “Би ипотикийн зээлд хамрагдах гэж олон сар хөөцөлдсөн. Урьдчилгаа 20 хувийн төлбөрөө төлсөн байсан. Харин “Түмний байр” төслийн багийнхан 10 хувийн урьдчилгаа өгсөн. Ингээд ипотикийн зээлд хамрагдах боломжтой болсонд баяртай байна. Би багш мэргэжилтэй, гэр хороололд амьдардаг. Түмний байр судалгаанд хамрагдсандаа баяртай байна” гэсэн юм.

Тэгвэл уг арга хэмжээний үеэр “Ханан шишгэд” ХХК-ийн зүгээс “Түмний байр” төслийн нээлтэд зориулж Т.Ундармаад нэг өрөө байр бэлэглэж буйгаа зарлан, эрхийн бичгийг гардуулж өгсөн юм.

Энэ талаар туслийн удирдагчид “Бид гэнэтийн бэлэг барих үүднээс 10 хувийн урьдчилгаа бэлэглэнэ гэж хэлсэн юм. Нээлтийн үеэрээ нэг өрөө байр бэлэглэвэл илүү гоё болов уу гэж бодсон учраас тэр шүү дээ. Өнөөдөр ипотекийн зээлд хамрагдах ямар хэцүү билээ. Маш олон шалгуурыг давах учиртай.

Гэнэтийн бэлэг барьсны дараа Т.Ундармаа “Ямар сайхан юм бэ. Ээж минь бамбай булчирхайн хорт хавдартай. Өнөөдөр эмч нарын зөвлөгөөний хурлаар орсон. Ээжийн минь бие өвдсөн ч гэсэн орон сууцны зээлд хамрагдчихаасай гэж үргэлж ерөөдөг байсан. Энд ирэхдээ 20 хувийн төлбөрөө цуглуулчихсан. 10 хувийг нь бэлэглэнэ гэсэн юм чинь байртай болчих байх. Ээжийгээ баярлуулах нь дээ гэж бодож ирсэн. Гэтэл байрны урьдчилгаа биш харин бүр орон сууцтай болчихлоо. “Ханан шишгэд” компанийн хамт олонд талархсанаа илэрхийлье” гэсэн юм.