Түрээсийн орон сууцнаас 200 квот өгөхийг шаардсан багш нарын шаардлагын хариуг өгөөгүй учир өнөөдрөөс эхлэн өлсгөлөн зарлаж байна.

Тодруулбал, энэ сарын 4-ны өдөр багш нар түрээсийн орон сууцнаас 200 квот өгөхийг шаардаж, жагссан. Гэвч өнөөдрийг хүртэлх хугацаанд багш нарт ямар нэгэн хариу мэдэгдээгүй тул өлсгөлөн зарлаж, эсэргүүцлээ илэрхийлэхээс өөр аргагүйд хүрчээ.

Тэдний зүгээс НОСК-оос явуулж буй 972 айлын орон сууцанд багш нарын тодорхой хувийг оруулж өгөх шаардлага хүргүүлэн сар гаруй хоногийн хугацаа өнгөрлөө гэдгийг онцолж байна. Багш нарыг хэдхэн хормын өмнө Нийслэлийн Засаг даргын Тамгын газрын Төрийн захиргааны удирдлагын хэлтсийн дарга Ү.Ганболд хүлээн авч уулзсан. Энэ талаар тодруулахад “Тэрбээр би асуудлыг шийдвэрлэхгүй. Та нарын хүсэлтийг цааш нь дамжуулж өгье гэсэн. Биднийг өлсгөлөн зарлах шаардлагагүй гэсэн зөвлөмж” хэлжээ.

Гэвч боловсролын салбарт насаараа ажиллаад өөрийн гэсэн орох гэргүй хүн олон байгаа талаар хэлж байна. Түүнчлэн “Түрээсийн орон сууцны квот нь өөрөө булхай, луйвартай байна. Түрээсийн орон сууцанд гэхэд нэг хүн таван байртай гэсэн. Энэ мэдээллийг авсан учраас бид тэмцээд байгаа юм. Энэ талаарх мэдээллийг удахгүй олон нийтэд цацна” гэв.

Б.Лхам