Ерөнхийлөгчийн Тамгын газраас иргэн Ц.Уянгыг Ерөнхийлөгч Х.Баттулгын нэр хүндэд халдаж байна хэмээн шалгуулж, улмаар твиттер хаягийг нь хязгаарлах, Зөрчлийн тухай хуулиар хоёр сая төгрөгийн мөнгөн торгууль тавих шийтгэл ногдуулсан билээ.

Түүнийг Зөрчлийн тухай хуулийн 6.21 дүгээр зүйлийн 1 дэх хэсэгт зааснаар хэрэг нээн шалгаж, олон нийтийн цахим сүлжээнд оруулсан мэдээллүүд нь хүний нэр төрийг гутаан доромжилсон, худал мэдээлэл болох нь тогтоогдсон тул ийн арга хэмжээ авсан байдаг.

Тэгвэл эл асуудлаас үүдэн олон нийтийн сүлжээнд “Иргэдийн үг хэлэх эрх чөлөөг хязгаарлаж байна”, “Хэн нэг нь алдаатай үг хэлж болох ч түүгээр далимдуулж бүгдийнх нь амыг барьдаг тогтолцоо бий болж байна” хэмээн иргэд эсэргүүцлээ илэрхийлсээр буй. 

Мөн твиттер хаягт олон мянган дагагчтай түүнд бусад жиргээч, дагагчдаас нь  дэм өгч торгуулийнх нь мөнгийг бүрдүүлж өгчээ.

Б.Лхам