Манай улсын 1000 хүнийг үнэгүй мэс засалд хамруулахаар болжээ. Тодруулбал, БНХАУ-ын эмч нар ирэх таван жилийн хугацаанд нүдний болор цайсан буюу катакакт өвчний оноштой манай улсын 1000 өвчтөнд үнэ төлбөргүй мэс засал хийхээр төлөвлөж байгаа хэмээн Хятадын Улаан Загалмайн нийгэмлэгийн Өвөр Монголын Өөртөө Засах Орон нутгийн салбар (RCSC) мэдээлэв.

Одоогоор нийтдээ нүдний болор нь цайсан гэх оноштой 1829 өвчтөн уг хөтөлбөрт хамрагдахаар бүртгэгдэн оношоо тогтоолгоод байгаа юм байна.

Энэ оны долоодугаар сарын байдлаар амьдралын бололцоо доогуур түвшинд аж төрдөг 204 өвчтөнд үнэгүй мэс засал хийгээд байна гэж Хятадын Улаан Загалмайн нийгэмлэгийн Өвөр Монгол дахь салбарын гүйцэтгэх захирлын орлогч Ван Фанг сэтгүүлчдэд өгсөн мэдээлэлдээ дурджээ.

Эх сурвалж: CCTV.COM