Төв аймаг Баян сумын III баг ”Мааньт өртөөн дээр гурван вагон замаас гарсан” гэсэн дуудлага энэ сарын 14-нд буюу өчигдөр 10.30 цагт цагдаагийн байгууллага хүлээн авчээ.

Дуудлагын дагуу шуурхай ажиллахад Төв аймаг Баянсум III баг Мааньт өртөө 521 дүгээр километрийн гуравдугаар зуутад Улаанбаатар-Чойр чиглэлийн ачааны 2656 дугаар галт тэрэгний араасаа дөрөв дэх вагон замаас гарч, 5,6,7 дугаар вагон унасан хэрэг гарсан байжээ. Уг хэргийг Төмөр замын цагдаагийн газар шалгаж байна.

ЦЕГ